Latest News

Al-Shabaab Oo Weerar Ku Qaaday Xarunta Maamulka Degmada Buurdhuubo

Buurdhuubo, June 3, 2020 (Haatuf) – Wararka ka imanaya degmada
Buurdhuubo ee Gobolka Gedo ayaa waxay sheegayaan in  halkaasi uu ka dhacay weerar Al-shabaab ay ku
qaadeen xarunta maamulka degmada,  iyagoo
iska caabbin kala kulmay ciidamada dowladda Somalia ee halkaasi ku sugan.

Baraha wararka ee dhinaca Internet-ka ee Al-shabaab
taageera ayaa waxay baahiyeen in markii weerarka lagu qaaday xaruntaasi uu ku
sugnaa Guddoomiyaha degmada Buurdhuubo, balse uu uga badbaaday si dirqi ah sida
ay hadalka u dhigeen.

Ma jiraan illaa iyo hadda war kasoo baxay Maamulka
degmadaasi iyo guud ahaan kan Gobolka Gedo.

Dadka deegaanka oo qaar kamid ahi taleefanka kula hadlay
Qaar ka mid ah warbaahinta Somalia ayaa sheegay inay maqleen dhawaqa rasaas
culus oo la isweydaarsaday,  balse aaney
sheegi karin khasaaraha rasmiga ah ee ka dhashay dagaalkaasi.

Al-shabaab ayaa dhowr todobaad ka hor weerartay bar ay
deganaayeen ciidamada Soomaaliya ee ku taalla isla degmadaasi,  walow ay saraakiisha ciidamadaasi ay
sameeyeen iska caabbin xooggan.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial