Latest News

Beesha Caalamka Oo Ku Baaqday In Dawladda Somalia Iyo Maamul Goboleedyadeedu U Dhamaadaan Ka Qaybgalka Shirka Dhuusomareeb

Dhuusamareeb, August 19, 2020 (Haatuf) – Beesha caalamka
oo ay ku midaysan yihiin ururo iyo dalalka ku lugta leh arrimaha Soomaaliya,
ayaa soo dhoweeyay in madaxweynaha Dowladda Federaalka Soomaaliya iyo kuwa
Dowladaha Xubnaha ka ah Federaalka ay magaalada Dhuusamareeb gaareen 15kii
bishan Agoosto, si ay u billaabaan kulankooda xiga, sida qorsheysnayd.

Bayaan maanta kasoo baxay dalalkaan ayaa loogu baaqay
Puntland iyo Jubbaland oo ka maqan shirka Dhuusmareeb inay si toos ah ula
xiriiraan dhiggooda jooga magaalada Dhuusamareeb si loo xalliyo wixii arrimo ah
oo taagan si ay dhammaantood uga wada qaybqaataan shirka.

Beesha caalamka waxay mar kale adkeysay in isku day kasta
oo uu ku kaco mid keliya ama qaar yar oo ka mid ah saamilleyda oo si qasab ah
loogu mariyo qaabab doorasho uusan yeelan doonin sharciyad isla markaana aan
laga hirgelin karin iyadoo aan taageerada lagama maarmaanka ah laga helin
dhammaan saamilleyda kale.  

“Saaxiibadu waxay si dhow ula socdaan waxyaabaha ka soo
kordha kulanka magaalada Dhuusamareeb, waxayna dabagal ku sameynayaan tallaabooyinka
lagu heshiiyo waxayna diyaar la yihiin inay bixiyaan hadba taageerada ay ka
codsadaan dhammaan ka qaybgalayaasha si loo fududeeyo hirgelinta,” ayaa lagu
yidhi bayaanka.

Dalalka ku midaysan beesha caalamka ayaa kala ah,
Belgium, Boqortooyada Midowday ee Ingiriiska, Denmark, Djibouti, Dowladda
Mareykanka, Faransiiska, Finland, Hawlgalka Midowga Afrika ee Soomaaliya
(AMISOM), Holland, Ireland, Itoobiya, Japan, Jarmalka, Kenya, Midowga Yurub,
Norway, Spain, Sweden, Talyaaniga, Turkey, Ugaandha, Urur-Goboleedka (IGAD),
iyo Qaramada Midoobay.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial