Latest News

Beesha Caalamka Oo Walaac Ka Muujisay Dib U Dhac Ku Yimaada Doorashooyinka Somaliland

Hargeysa, (Haatuf) – War-saxaafadeed ka soo baxay Dalalka
Beesha Caalamka ayaa lagu sheegay inay ka walaacsan yihiin dib u dhacyada soo
noqnoqday doorashooyinka Goleyaasha Wakiillada iyo deegaannada Somaliland.

Sidoo kale, waxa War-saxaafadeedkaasi lagu sheegay in
Beesha Caalamku ka xun tahay Muddo-kordhinta labada Sanadood ah ee Golaha
Guurtida sameeyay Golaha Wakiillada iyo Muddo-kordhinta uu Golaha Guurtida
laftiisu isku sameeyay.

War-saxaafadeedkan oo si wada jir ah u soo wada saareen
Dalalka Midowga Yurub, Maraykanka, IGAD iyo Qaramada Midoobay ayaa lagu sheegay
“Waxaan ka walaacsanahay dib u dhaca doorashooyinka iyo dhacdooyinkii ka dhacay
Somaliland in ay si weyn u wiiqeen sumcadda dimuqraadiyadeed ee Somaliland.”
ayaa lagu sheegay War-saxaafadeedka, kaasi oo intaa ku daray “Waxaan si aad ah
uga walaacsanahay xadhigga u muuqda mid aan sharciga ku dhisneyn iyo
xayiraadaha kordhaya ee xorriyadda hadalka..”

Waxa kale oo Qoraalkaa lagu sheegay “Waxaan si gaar ah
uga walaacsanahay go’aanka Guurtida ee muddo kordhinta loogu sameeyay labada
gole..” ayuu lagu sheegay War-saxaafadeedkaasi.

Ugu dambayn, waxay Beesha caalamku ugu baaqday xukuumadda
iyo dhammaan hawl-wadeenada siyaasadeed ee Somaliland inay dib u xaqiijiyaan,
iyada oo loo adeegsanayo  heshiiska
labada dhinac, is-afgarad iyo isu tanaasul, si loo helo dariiqa loo maro
jah-wareerka hadda jira si doorashooyinka baarlamaan iyo doorashooyinka
deegaanku u dhacaan.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial