Latest News

Booliska Somaliland Oo Ka Hadlay Falal Ka Dhacay Wajaale

Hargeysa, (Haatuf) – Ciidanka Booliska Somaliland ayaa ka
warbixiyey saddex dhacdo oo ay hawlgallo ka sameeyeen, kuwaas mid walba laga
qaaday talaabo ku haboon.

Saddexdan dhacdo ayaa kala ahaa askari muwaadin ku dilay
magaalada Wajaale, askar gacan saaray qof dumar ah iyo gaadhiga lagala baxsaday
magaaladda Hargeysa.

Taliyaha ciidanka Dambi-baadhista Faysal Xiis oo falalkan
dhacay ka waramaya waxa uu yidhi “Bishan December 14-keedii ayaa nin askari ahi
muwadin reer Somaliland ku dilay magaalada Wajaale isagoo miyirkiisa iyo
maankiisa qaba, ciidanka boolisku gacanta ayey ku soo dhigeen askarigii
dambiigaasi gaystay iyo labadii askari ee la socday, waxaana la taagaya
maxkamadda sharciga ah, markii dilku dhacay ka bacdi waxa Wajaale ka dhacday
mudaharaad lagaga soo horjeedo dilkaasi, haseyeeshee ciidanku way ka hortageen
si aanu magaalo ganacsiyeedka Wajaale ugu fidin oo siyaabo kale looga
faa’iidaysan, markii mudaharaadku socday qaar ka tirsan ciidanku waxay
farosaareen qof dumur ah oo ka mid ahayd dadkii isku soo baxay, iyadoo baraha
bulshada si khaldan loogu faafiyey falkaasi, waxaanu taliyaha boolisku amar ku
bixiyey in la soo qabto askartii faro saartay qofka dumar ah waana la xidhay
waxaana la horgaynayaa maxkamadda.”.

Mar kale isagoo ka hadlay gaadhi nooca xamuulka qaada oo
Hargeysa laga xaday waxa uu yidhi “bishan 23-keedii waxa labadii habeenimo
gaadhi xamuul ah oo shirkad ganacsi leedahay la baxsaday girishboygii ka
shaqaynayey, markii ciidanka lagu soo wargaliyey waxaa uu taliyuhu amrey in
ciidamada gobolada lagu amrey inay gaadhigaasi baadi goobaan, waxaana sagaalkii
subaxnimo lagu qabtay dooxa u dhow degmada Oodweyne, gaadhigina hada waxa uu
yaala xarunta ciidanka ee magaalada Hargeysa”.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial