Latest News

Boqor Sucuudiga Oo Shaqada Ka Eryey Saraakiil Milatariga Ka Tirsan

Riyadh, September 1, 2020 (Haatuf) -Boqorka dalka Sucuudi
Carabiya Boqor Salman ayaa shaqada ka eryay laba nin oo reer boqor ah oo lala
xidhiidhiyey musuq-maasuq,  kuwaas oo loo
gudbiyey waaxda la dagaalanka musuqmaasuqa si baadhitaan loogu sameeyo sida ay
sheegtay warbaahinta dowlada Sucuudigu.

Wareegto ka soo baxday boqortooyada dalka Sucuudi
Carabiya oo la soo saaray subaxnimadii hore ee Salaasada maanta, ayuu Boqor
Salmaan wuxuu xilkii ka qaaday Amiir Fahd bin Turki bin Abdulaziz Al Saud oo
ahaa taliyihii ciidamada isku dhafka ah ee xulafada uu hogaaminayo Sacuudiga ee
dagaalka ka wada Yemen, wuxuuna xilkii gudoomiye ku-xigeenka ka qaaday
wiilkiisa Amiir Abdulaziz bin Fahd. gobolka al-Jouf.

Go’aanku wuxuu ku salaysnaa warqad uu ka helay
Dhaxal-sugaha Boqortooyada Mohammed bin Salman (MBS) iyo Nazaha, guddiga la
dagaallanka musuqmaasuqu, si ay u baadho “dhaqdhaqaaqyada lacageed ee laga
shakiyo ee wasaaradda gaashaandhigga”.

Afar sarkaal oo kale oo militariga ka tirsan ayaa iyagana
baadhitaan lagu sameeyay.

Ku dhawaaqista ayaa muujineysa talaabadii ugu dambeysay
ee dowlada ay kula kacdo waxa ay saraakiishu ku sheegeen musuq-maasuqa baahsan
ee ka jira boqortooyada Sucuudiga.

Tan iyo markii Maxamed Bin Salman uu noqday dhaxal sugaha
boqortooyada sanadkii 2017 oo talo maroorsi ku timid dhinaca dhaxalka
Boqortooyada, wuxuu bilaabay olole ka dhan ah musuqmaasuqa oo lagu arkay dad
fara badan oo isugu jira boqortooyo, wasiirro iyo ganacsato oo lagu xidhay
hoteelka Ritz-Carlton ee Riyadh.

Waxaana intooda badan la siidaayay ka dib markii ay
gaadheen heshiis aan la shaacin.

In kasta oo amiirka dhaxalka leh, uu ladagaalanka
musuqmaasuqa ka dhigay tiirarka isbadalkiisa, hadana dadka dhaliila waxay
sheegayaan inuu u dhaqaaqayo uu kaga soo horjeedo kooxaha kula tartamaya
dhaxalkiisa uu ku doonayo taajka boqortooyada, waxaanu la wareegay laamaha
amaanka ee dalka Sucuudiga, isagoo la dagaalamay mucaaridka dalkiisa.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial