Latest News

Ethiopia: 13 Arday Oo Loo Xidhay Isku Dhac Dhexmaray Ardayda Jaamacada Woldia

Wollo, (Haatuf) – Ugu yaraan laba arday ayaa lagu soo
waramayaa in lagu dilay jaamacada Woldia oo ku taala badhtamaha waqooyiga dalka
Ethiopia, gaar ahaana Dawadd Deegaanka Amxaarada kadib markii isku dhac uu
Ardayda ku dhexmaray gudaha Jaamacada.

Tiro kale oo arday dhaawacantay ah ayaa jira, kuwaas oo
xogo laga helayo cusbitaaku ay sheegayaan inay gaadhayaan 14 arday, sida ay ku
warantay Qaybta Amxaarada ee BBC-du.

Gudoomiyaha Gobolka Wollo oo ka tirsan kililka Amxaarada
dalka Ethiopia, Woldetinsae Mekonnen ayaa cadeeyey in labada arday ee dhintay
ay ku dhinteen isku dhacaasi gudaha jaamacada ku dhexmaray ardayda.

Waxaanu intaasi raaciyey in ciidamada amaanka lagu wargaliyey
markii isku dhacu bilaabmay oo ay soo gaadheen goobta 15 daqiiqo gudahood, isla
markaana labada arkday ay dhinteen 15 daqiiqo gudahood markii isku dhacu
bilaabmay base markii dambe waxa si dhakhso ah u kala dhexgalay ciidamada
amaanka oo gudaha u galay xayndaabka jaamacada.

Ma cada in isku dhucu u dhexeeyey kooxo arday ah. Waxaanu
Woldestinsae uu sheegay in Jaamacadu ay ku taalo duleedka magaalada Woldia,
sidaa darteedna aanay dadka magaalada degeni la socon  dhibaatada dhacday.

Dhinca kale bileyska maamulka gobolka Amxaarada dalka
Ethiopia ayaa sheegay inay gacanta ku dhigeen 13 Ethiopian ah oo lala
xidhiidhiyey rabshadaasi jaamacada ka dhacday.

Agaasimaha
Xidhiidhka arimaha Ardayda, ee Jaamacada Woldia University ayaa isaguna sheegay
in 13 qof ee la xidhay looga shakisan yahay inay ku lug lahaayeen dhimashada
labada arkday, baadhistuna ay socoto.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial