Latest News

Guddida Qaban-qaabada Shirweynaha KULMIYE Oo Deedafeeyey Eedo Kasoo Yeedhay Siyaasi Qabo

Hargeysa, September 6, 2020 (HaatufOnline) – Xubnaha guddida qaban-qaabada shirweynaha Afraad ee Xisbiga KULMIYE, ayaa deedafeeyey eedo maalintii shalay uu u jeediyey siyaasi Maxamed Ibraahim Qabo oo ka tirsan xisbiga KULMIYE.

Guddoomiyaha guddida qaban-qaabada shirweynaha KULMIYE, Cabdikariin Axmed Maxamed (Xinif) , Axmed Faarax Cadarre iyo Xildhibaan Axmed Cabdi Nuur (Kijaandhe) oo iyaguna kamid ah guddida qaban-qaabada shirweynaha Afraad ee xisbiga KULMIYE oo maanta saxaafadda la hadlay, ayaa wanjalaad iyo xaalad Abuur ku tilmaamay hadallo maalintii shalay kasoo yeedhay siyaasi Qabo oo uu ku sheegtay in loo diiday musharrraxnimada guddoomiye-ku-xigeenka labaad ee xisbiga KULMIYE.

Xubnaha guddida oo hadalka
u kala dambeeyey, ayaa shacabka u caddeeyey inaanay guddi ahaan cidna ka hor
istaagin  u tartanka xubnaha hoggaanka
sare ee xisbiga KULMIYE, islamarkaana uu xisbigu yahay madal Dimuqraaddi ah oo
u furan inay ku tartanto cid kasta oo oo hunguri kaga jiro hoggaanka xisbiga.

Sidoo kale, waxa ay
xubnaha guddida qaban-qaabada shirweynaha Afraad ee xisbiga KULMIYE, waxa
ay  ka digeen inay cid kale ka hadasho
arrimaha ku saabsan shirka iyo murrashixiinta hoggaanka sare ee xisbiga,
islamarkaana iyaga oo kaliya loo daba fadhiisanayo arrimaha ku saabsan
shirkaas.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial