Latest News

Qaadkii Ugu Badnaa Ee La Qabto Oo Burco Lagu Gubay

Hargeysa, April 29, 2020 (Haatuf)
– Ciidammada Booliska Somaliland ayaa qaadkii ugu badnaa ku gubay magaalada
Burco ee xarunta gobolka Togdheer, Sida ay ku soo warramayaan Weriyeyaasha ku
sugan Magaalada Burco.

Talaabadan oo ah dedaalo
lagu doonayo in lagaga hortago xanuunka faafaya ee Coronavirus ayay ciidamadu
kaga hortagayaan in dalka la soo galiyo Jaad Sharci-darro ah, maaddaama oo la
mabnuucay muddo 25 Maalmood ah, si looga taxadiro Xanuunka dunida ku faafaya ee
Covid_19.

Maamulka Gobolka Togdheer
ayaa Saaka dab qabadsiiyey Jaad tiro badan, kaasi oo Ciidammada Ammaanku soo
qabteen.

Qaadka la gubay ayaa
tiradiisa lagu sheegay 1,070 Marduuf oo ah Qaadka loo yaqaano ‘Dadarta’.

Ciidanka Booliska ee Gobolka
Togdheer ayaa hawl-gal ay Xalay sameeyeen sameeyeen ku soo qabtay Qaadkan iyo
gawaadhidii siday oo tiradooda lagu sheegay Saddex.

Maaha markii koowaad ee
Qaadka la soo qabtay la gubay, balse Magaalooyinka Wajaale, Hargeysa iyo
Laascaanood-ba waxa hore loogu gubay Jaad Sharci-darro loo soo geliyey.

Dawladda Somaliland ayaa
Toddobaadkii hore soo saartay Go’aan ay muddo 25 Maalmood ah ku joojisay
Jaadkii Ganacsi ahaanta loo keeni jiray Somaliland, Go’aankaasi oo qayb ka ah
dedaallada lagaga gaashaamanayo in Cudurka Covid_19 uu ku faafo Somaliland.

Gudaha Somaliland, Cudurka
waxa laga helay 6 Qof,  kuwaasi oo Saddex
ka mid ahi ka bogsadeen Xanuunka, sida uu shalay Shaaciyey Agaasimaha guud ee
Wasaaradda Caafimaadka Somaliland, Dr. Maxamed Cabdi Xergeeye.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial