Latest News

Safiirkii Ingiriiska u Fadhiyay Iran Oo La Xidhay, Dibadbax Tehran Ka Dhacay Kadib

Tehran, (Haatufonline) – Safiirkii dalka UK u fadhiyey
Iran ayaa la xidhay intii uu socday dibadbax ka dhacay caasimada Iran ee Tehran
oo lagaga soo horjeeday ku lug-lahaanshihii Iran ay si khalad ah ugu soo riday
diyaaradii rakaabka siday.

Rob Macaire ayaa la xidhay mudo ka badan saacad sida ay
ku waramayaan warbaahinta maxaliga ah ee dalkaasi.

Xafiiska Arimaha dibada ee dalka Ingiriiska ayaa ku
tilmaamay xadhigaasi “Xad-gudub cad oo ka dhan ah shuruucda caalamiga ah”.

Iran ayaa cadaysay maanta inay ku lug-leedahay
toogashadii lagu soo riday duulimaadka diyaaradii Ukraine International
Airlines flight PS752, arintaasina u dhacday khalad bani’aadan.

Wargeyska ka soo baxa Iran ee Etemad ayaa sawirka Safiirka ku baahiyey Twitterka kadib markii Wakaalada Wararka ee Tasnim ay tabisay warka xadhiga Safiirka Ingiriiska intii uu socday dibadbaxa ka dhacayey banaanka Jaamacada.

Waxaanay warbaahinta Iran ay sheegtay in Mr Macaire lagu
eedaynayo inuu buunbuuniyey dibadbaxa ka dhanka ah dawladda.

War-saxaafadeed uu soo saaray Xoghayaha Arimaha Dibada ee
Ingiriska Dominic Raab ayaa yidhi: “Qabashada Safiirkayaga ee Magaalada Tehran
iyada oo aan wax sabab ah ama sharraxaad laga bixinaynin waxay tahay xadgudub
weyn oo sharciga caalamiga ah ka dhan ah.”

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial