Latest News

Somaliland Oo La Filayo In Todobaadkan Imaaraadka Carabta U Dhoofiso 5,000 Neef Oo Adhi Ah

Hargeysa, (Haatufonline) – Somaliland ayaa lagu wadaa
inay dib u bilowdo dhoofinta xoolaha ee Imaaraatka Carabta toddobaadkan, sida
lagu daabacay waregyska busiweek ee kasoo baxa Uganda.

Shixnad u socota ka bariga dhexe ayaa lagu wadaa inay ka
dhoofto  dekada Somaliland ee Berbera
iyada oo ay saaranyihiin tiro ka badan 5,000 oo Adhi ah.

Tani waxay timid bilo kadib markii Madaxweynaha
Somaliland Muuse Biixi uu wadahadal la yeeshay hoggaanka Imaaraadka Carabta
intii lagu guda jiray booqashadii bishii April ee la soo dhaafay.

Labada dhinac waxay ku heshiiyeen in la sameeyo guddi
isku dhaf ah oo qaabilsan dhoofinta xoolaha.

“Waxaanu heshiis la gaadhnay dalka Isutaga Imaaraatka
carabta in la dhiso guddi dhoofinta xoolaha nool oo ay wada dhistaan labada
dal,” ayuu yidhi Professor Yaasiin Maxamuud Xiir ‘Faratoon’, Wasiirka Arimaha
Dibada iyo Iskaashiga Caalamiga ah ee Somaliland.

Guddigaan wuxuu ka qeyb qaadan doonaaa dhammaan arrimaha
la xidhiidha caafimaadka, dhoofinta, iyo sharciyeynta dhoofinta xoolaha
Somaliland.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial