Latest News

Soomaaliya Oo Gaashaanka Ku Dhufatay Codsi Ka Yimid Kenya Oo La Xidhiidha Dacwada Dhinaca Badda Ee Maxkamadda ICJ

Muqdisho, May 16, 2020 (Haatuf) – Raysal Wasaare ku
xigeenka Soomaaliya Mahdi Maxamed Guuleed ayaa waxa uu ka hadlay arrinta ku
saabsan dacwadda badda ee taalla maxkamadda cadaaladda adduunka ee ICJ, una
dhexeysa waddamada Soomaaliya iyo Kenya, kadib markii warbaahintu ay sii daysay
macluumaad muujinaya in xukuumadda Nairobi ay codsatay in dib loo dhigo markii
seddexaad garmaqalka labada dal  sababa
jiro oo hadda ay wajahayaan labada dalba dib loogu dhigo.

Mahdi Guuleed oo la hadlay laanta Afka Soomaaliga ah ee
BBC-da ayaa waxa uu sheegay in marnaba Soomaaliya aysan aqbali Karin in
kiiskaas dhageysigiisa dib loo dhigo, islamarkaana  ay ku gacan seyreen codsiga Kenya ee ahaa in
sababo la xiriira xanuunka COVID-19 dartiis 
dib loo madlo  garmaqalka
maxkamadda.

“Waxaan doonayaa in aan iftiimiyo in dowladda Kenya ay
rabtay mar walba in ay dib u dhigto, dacwadda amma ay isku daydo in meel ka
baxsan maxkamadda caalamiga ah wax lagu xalliyo, innaga mowqifkeennu wuxuu
yahay in mar walba maxkamadda iyo qawaaniinta caalamiga ah ee dunida ku
heshiisay si nabad ah oo amni ah loogu kala baxo” ayuu yiri ra’iisul wasaare ku
xigeenka Soomaaliya Mahdi Guuleed.

Mar wax laga weydiiyay haddii Kenya ay ka cabaneyso
qarashaadka ku baxaya maxkamadda iyo qareennada difaacaya, Soomaaliya oo tag
ahaan ka jeeb yar Kenya, halka lacagtaas ay ka keeneyso? waxa uu ku jawaabay in
arrintaasi ay sax tahay, hase-ahaatee la kari karayo ,balse Soomaaliya ay ka
bixineyso miisaaniyaddeeda yar.

Waxa uu sidoo kale sheegay in Kenya ay dhowr jeer isku
dayday in kiiskaasi loo galo hab diblumaasi ah, sida in lagu xalliyo wada-hadal
amma la geeyo meelo ay kamid tahay midowga Afrika, balse Soomaaliya taasi ay
aqbali weysay.

Dhageysiga kiiska muranka badda ee u dhexeeya Soomaaliya
iyo Kenya ayaa waxaa loo balansanyahay 8-da Juun 2020.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial