Latest News

Sucuudiga Oo Codsi U Diray Muslimiinta Sanadkan Xajka Soo Gudanaya

Riyaad, April 1, 2020 (Haatuf) – Wasiirka Arrimaha Xajka dalka
Sucuudiga, Mohammed Banten ayaa sheegay in Boqortooyada Sucuudigu ay ka
walaacsan tahay badqabka xujaajta, isla markaana ay ku boorinayaan inaanay
is-diiwaangalin oo ay dib u dhigaan, inta ay xaaladda cudurka coronavirus ay
is-badalayso.

Laba milyan oo qof ayaa la filayaa inay u socdaalaan
Makka iyo Madina bilaha July iyo August si ay usoo gutaan waajibaadka Xajka.

Muslimiinta jidh ahaan awooda ayaa hal mar soo guta
waajibaadka xajka.

Halka Cumrada gabi ahaanba la hakiyey si la isugu dayo in
hoos loo dhigo fiditaanka cudurka coronavirus.

Sidoo kale dadka ayaa laga joojiyey inay galaan Makka iyo
Maddiina, iyo sidoo kale caasimada Riyaad, waxaanay dawladda Sucuudigu ay isku
dayaysaa inaanu fidin xanuunka inkastoo laga soo sheegayo ugu yar 1,563 qof
inay qaadeen xanuunkaasi, halka 10 qofna ay ku dhinteen dalkaasi.

“Sucuudi Carabiya si buuxda ayuu diyaar ugu yahay inuu u
adeego xujayda iyo Cumrada dadka gudanaya xaalad kasta oo ay tahay,” ayuu yidhi
Mr Banten oo la hadlayey telefishanka dalkaasi, waxaanu intaasi ku daray “Inuu
Alle ka baryayo inuu ka badbaadiyo, boqortooyaduna ay u heelan tahay ilaalinta
caafimaadka Muslimiinta iyo muwaadiniinteedaba.” Ayuu yidhi Wasiirka Arimaha
Xajka ee dalka Sucuudiga.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial