Latest News

Xasan Sheikh Maxamuud Oo Farmaajo Ku Eedeeyey Inuu Raashinkii Iyo Mushaharkii Ka Goostay Ciidanka Ilaaliya

Muqdisho, April 5, 2021 (Haatufonline) – Madaxweynihii hore ee Soomaaliya, Xasan Sheikh Maxamuud ayaa sheegay in dowladda madaxweyne Farmaajo ay colaadin joogto ay ku haysay tan iyo sanadkii 2018, goortaas oo uu  bilaabay inuu dhaliilo siyaasada dowladda.

Xasan Sheikh Maxamuud ayaa wareysi siiyay Radio Kulmiye ku sheegay mid kamid ah colaadinta uu ka sheeganayo maamulka madaxweyne Farmaajo in ay ahayd kadib markii uu sheegay in ciidanka ilaaladiisa ah laga goostay mushaarkii iyo raashinkii la siin jiray.

Xasan Sheikh wuxuu sidoo kale sheegay in dowladdu isku dayday in la dilo 19 kii febraayo, kadib markii uu sheegay in hotelkii uu degenaa weerar lagusoo qaaday, balse uu ka badbaaday weerarkaas.

“Habeenkii oo dhan xabbad ayaa nagu socotay, waxaa la rabay in nala dilo kadibna la yiraahdo isku dhac ciidan ayay ku dhinteen, laakiin tabartooda ayaa u diiday mooyee, waxba nooma reeban,” ayuu yidhi.

Wuxuu sheegay Xasan Sheikh Maxamuud in ay dulqaadkooda kaga gudbeen waxyaalo badan oo ku kalifi karay in ay caroodaan oo ay colaad iyo dagaal sakooye ka bilaabaaan Muqdisho.

“Maalin walba Maxamed Cabdullaahi Farmaajo wuxuu la boodayaa qori dab leh. Anaga siyaasiyiinta ah iyo dadka magaaladan degen waaye cidda masuulka ah nabada la haysto,” ayuu yiri Xasan Sheikh Maxamuud.

Madaxweynihii hore ayaa ugu dambayn sheegay in aysan weli ka tanaasulin mudaharaadkii ay ku baaqeen, isagoo sheegay in aysan marnaba ka tanaasulidoonin waxyaabaha ay xaqa u leeyihiin.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial