Latest News

Xisbiga UCID Oo Soo Dhaweeyey Wareegto Lagu Wargalinayo Warbaahinta Dawlada In Si Siman Ay U Isticmaalaan Mucaaradka iyo Muxaafidku

“Waa Talaabo Ay Fulin Waayeen
Dhawrkii Madaxweyne Ee Kala Dambeeyey, Waanu Soo Dhaweynayaa” Yusuf Kayse
Xoghayaha Warfaafinta Xisbiga UCID

Hargeysa, September 21, 2020
(HaatufOnline) – Xoghayaha Warfaafinta Xisbiga UCID, Yuusuf Kayse Cabdilaahi
ayaa soo dhaweeyey Wareegto Wasaarada Warfaafinta ka soo baxday oo lagu
wargalinayo warbaahinta dawladda in si siman looga sii daayo wararka xisbiyada
mucaaridka iyo muxaafidka.

Yuusuf Kayse, Cabdilaahi
ayaa talaabadaasi ku tilmaamay mid loo qaaday dhabaha dimuqraadiyada oo ay
fulin waayen dhawrkii Madaxweyne ee iskaga kala dambeeyey talada Somaliland,
balse ay ku dhiiratay xukuumada Madaxweyne Muuse Biixi Cabdi.

Sida uu Xoghayaha
Warfaafinta ee xisbiga UCID uu ku sheegay shir jaraa’id oo uu shalay ku qabtay
magaalada Hargeysa, isagoo arintaasi ka hadlayana waxa uu yidhi “Hadaanu nahay xisbiga
UCID waanu soo dhaweynaynaa talaabadaa uu Madaxweynuhu ku dhiiraday inuu
wareegto ka soo saaro, taas oo marka horeba sharciga Jamhuuriyada Somaliland
sida dastuurka qaranka iyo xeer Lr 14 ay siiyeen xisbiyada Mucaaridka iyo
shacabka somalilandba in six or ah looga rayi dhiibto warbaahinta qaranku
leeyahay, waanu soo dhaweynaynaa, markii hore waxa uu ahaa Telefishan xisbiga
Kulmiye ayuu ahaayee hadii uu Telefishanka Qaranka noqonayo oo uu noqonayo oo
uu noqonayo Radio-gii qaranka oo uu noqonayo Joornaalkii qaranka, waanu soo
dhaweynaynaa, waana talaabo ay fulin waayeen dhawrkii Madaxweyne ee kala
dambeeyey, waanu soo dhaweynayaa,” ayuu yidhi Xoghayaha Warfaafinta ee xisbiga
UCID Yuusuf Kayse Cabdilaahi.

Mr Yuusuf Kayse ayaa sidoo ugu
baaqay Xukuumada Madaxweyne Biixi inay soo celiso shaqaale dawladii hore ee
Kulmiye ay eriday diban ay uga hawlgalaan Telefishanka iyo Idaacada Qaranka.

“Waxanau leenahay shuruudaa ku
xidhan in arintaasi hirgasho, waxa jira shaqaale dawladii hore ee Kulmiye iyo
kuwii ka sii horeeyeyba loogu eryey maxaad xisbiga mucaaridka wax uga soo
duubtay, Madaxsweynaha waxaanu leenahay horta shaqaalahaasi ha la soo celiyo oo
dib ha uga hawlgalaan Telefishanka Qaranka, warbaahinta kale ee madaxa banana si
ay uga hawlgalaan si la mid ahna iyaguna ha uga hawlgalaan oo shaqaalaha
fursadaha shaqo ee soo baxa ha la xayaysiiyo.

Waxa aynu ka warhaynaa imisa
wariye oo dadku ay jeclaayeen ayaa markay warbaahinta Qaranka ama Telefishanka
qaranka galeen la waayey,” ayuu yidhi Yuusuf Kayse Cabdilaahi.

Xoghayaha xisbiga Xisbiga
UCID, waxa kale oo uu sheegay in xisbi UCID ahaan ay dhawrayaan shuruucda iyo
nidaamka dalka, isla markaana ay ku ekaanayaan xayndaabka mucaaridada.

“Anaguna xisbi ahaan waxaanu
dhawraynaa shuruucda iyo nidaamka Qaranka Jamhuuriyada Somaliland u baneeyey
mucaaridada xayndaabkaa waanu ku ekaanaynaa,” ayuu yidhi Xoghayaha Warfaafinta
Xisbiga UCID.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial