𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝 𝐨𝐨 𝐊𝐡𝐮𝐝𝐛𝐚𝐝 𝐓𝐚𝐚𝐫𝐢𝐢𝐤𝐡𝐢 𝐚𝐡 𝐤𝐚 𝐣𝐞𝐞𝐝𝐢𝐲𝐞𝐲 𝐌𝐚𝐜𝐡𝐚𝐝𝐤𝐚 𝐂𝐚𝐚𝐥𝐚𝐦𝐢𝐠𝐚 𝐚𝐡 𝐞𝐞 𝐇𝐮𝐝𝐬𝐨𝐧 𝐈𝐧𝐬𝐭𝐢𝐭𝐮𝐭𝐞, 𝐖𝐚𝐬𝐡𝐢𝐧𝐠𝐭𝐨𝐧 𝐃.𝐂.

Haatufonline — 15 September, 2026

Madaxweynaha Jamhuuriyadda Somaliland, H.E. Cabdiraxmaan Maxamed Cabdillaahi (Cirro), ayaa khudbad taariikhi ah oo dhinacyo badan taabanaysa ka jeediyey Machadka Caalamiga ah ee Hudson Institute, Washington D.C. 

Machadkan oo ah Xarun Caalami ah oo Cilmi-baadhiseed, Siyaasadeed iyo Istiraatijiyadeed oo muddo dheer saameyn weyn ku leh doodaha ku saabsan amniga dalka Maraykanka, difaaca, siyaasadda arrimaha dibadda iyo nidaamka caalamiga ah; ayaa waxa hore khudbado uga jeediyey hoggaaminayeyaal iyo dad badan oo dunida magac ku leh; sida: Madaxweynihii hore ee Maraykanka Ronald Reagan, Madaxweyne ku-xigeenadii hore ee Maraykanka Mike Pence iyo Dick Cheney, Ra’iisal Wasaaraha Dalka Israa’iil Benjamin Netanyahu, Ra’iisal Wasaarihii hore ee Japan Shinzo Abe, Xoghayeyaashii hore ee Arrimaha Dibedda Maraykanka Henry Kissinger, George Schultz, Mike Pompeo, iwm. 

Khudbadda Madaxweynaha oo ku saabsanayd Somaliland oo ah lamaane (saaxiib) istiraatiiji ah oo ku yaalla Geeska Afrika (Somaliland as a Strategic Partner in the Horn of Africa), Madaxweynuhu waxa uu diiradda ku saaray aragtida Jamhuuriyadda Somaliland ee ku aaddan amniga Gobolka Geeska Afrika, xasilloonida Badda Cas iyo Gacanka Cadmeed, iskaashiga istiraatiijiga ah, ganacsiga iyo maalgashiga, iyo kaalinta ay Somaliland ka qaadan karto danaha wadajirka ah ee Maraykanka iyo xulufadiisa. 

Madaxweyne Cabdiraxmaan Cirro waxa uu sheegay in muddo ka badan soddon sano, Somaliland ay dhisatay Dawlad shaqaynaysa, Haya’do Qaran oo awood leh, dhaqaale kobcaya iyo suuq xor ah. Sida oo kale, waxa uu xusay in Jamhuuriyadda  Somaliland ay qabatay doorashooyin badan oo kala duwan oo u dhacay si xor iyo xalaal ah, xukunka dalkana si nabad ah loola kala wareegay. 

Madaxweynaha Jamhuuriyadda Somaliland waxa uu khudbaddiisa si cad ugu iftiimiyey in muddo ka badan labaatan sano aanu dalka Somaliland gudahiisa ka dhicin wax weerarro argagixiso ahi, Qaranka JSL-na uu ku guulaystay in uu dalka iyo xeebihiisa ka ilaaliyo xag-jirnimada iyo budh-cad badeedda. Madaxweynuhu waxa uu hoosta ka xarriiqay in Jamhuuriyadda Somaliland ay guulahan wax-ku-oolka ah gaadhay iyada oo aan haysan aqoonsi caalami ah. 

Madaxweynaha Jamhuuriyadda Somaliland Mudane Cabdiraxmaan Maxamed Cabdillaahi mar uu ka hadlayay xaqa sharci iyo ka taariikheed ee jiritaanka Qarannimada Somaliland, waxa uu yidhi: 

“𝗦𝗼𝗺𝗮𝗹𝗶𝗹𝗮𝗻𝗱 𝗺𝗮 𝗱𝗼𝗼𝗻𝗮𝘆𝘀𝗼 𝗶𝗻 𝗮𝘆 𝗱𝗶𝗯 𝘂 𝗯𝗲𝗱𝗲𝘀𝗵𝗼 𝘅𝘂𝗱𝘂𝘂𝗱𝗶𝗵𝗶𝗶 𝘂𝘂 𝗸𝗮 𝘁𝗮𝗴𝗮𝘆 𝗚𝘂𝗺𝗮𝘆𝘀𝗶𝗴𝘂; 𝘄𝗮𝘅𝗮 𝗮𝘆 𝗱𝗼𝗼𝗻𝗮𝘆𝘀𝗮𝗮 𝗶𝗻 𝗮𝘆 𝗱𝗶𝗯 𝘂𝗹𝗮 𝘀𝗼𝗼 𝗻𝗼𝗾𝗼𝘁𝗼 𝘅𝘂𝗱𝘂𝘂𝗱𝗶𝗵𝗶𝗶 𝗮𝘆 𝗵𝗼𝗿𝗲 𝘂 𝗹𝗮𝗵𝗮𝘆𝗱.”

“𝗗𝗼𝗼𝗱𝗱𝗮𝘆𝗮𝗱𝘂 𝗺𝗮 𝗮𝗵𝗮 𝗺𝗶𝗱 𝗸𝘂 𝘀𝗮𝗮𝗯𝘀𝗮𝗻 𝗴𝗼𝗼𝗻𝗶-𝗴𝗼𝗼𝘀𝗶, 𝗯𝗮𝗹𝘀𝗲 𝘄𝗮𝘅𝗮 𝗮𝘆 𝗸𝘂 𝘀𝗮𝗹𝗮𝘆𝘀𝗮𝗻 𝘁𝗮𝗵𝗮𝘆 𝗯𝘂𝗿𝗯𝘂𝗿𝗸𝗶𝗶 𝗺𝗶𝗱𝗼𝘄𝗴𝗶𝗶 𝗹𝗮𝗴𝘂 𝗵𝗼𝗻𝗴𝗼𝗼𝗯𝗮𝘆 𝗶𝘆𝗼 𝗱𝗶𝗯-𝘂-𝘀𝗼𝗼-𝗰𝗲𝗹𝗶𝗻𝘁𝗮 𝗱𝗮𝘄𝗹𝗮𝗱𝗻𝗶𝗺𝗮𝗱𝗮𝘆𝗮𝗱𝗶𝗶, 𝗶𝘆𝗮𝗱𝗮 𝗼𝗼 𝗹𝗮𝗴𝘂 𝘀𝗮𝗹𝗮𝘆𝗻𝗮𝘆𝗼 𝘅𝘂𝗱𝘂𝘂𝗱𝗶𝗵𝗶𝗶 𝗴𝘂𝗺𝗮𝘆𝘀𝗶𝗴𝗮 𝗲𝗲 𝗰𝗮𝗮𝗹𝗮𝗺𝗸𝘂 𝗮𝗾𝗼𝗼𝗻𝘀𝗮𝗻𝗮𝗮, 𝗸𝘂𝘄𝗮𝗮𝘀 𝗼𝗼 𝗷𝗶𝗿𝗮𝘆 𝗸𝗮 𝗵𝗼𝗿 𝗺𝗶𝗱𝗼𝘄𝗴𝗶𝗶 𝟭𝟵𝟲𝟬.”

Madaxweynuhu waxa uu xusay in tan iyo markii ay JSL ay dib ula soo noqotay madax-bannaanideeda, isbeddellada Juqraafi-Siyaasadeed ee ka dhacaya daafaha dunida iyo Geeska Afrika ay sii xoojiyeen is-waafajinta danaha wadaagga ah ee u dhexeeya Somaliland iyo Maraykanka. 

Madaxweynaha Jamhuuriyadda Somaliland mar uu ka hadlayay arrimaha Soomaaliya waxa uu yidhi: 

“𝗗𝗮𝘄𝗹𝗮𝗱𝗱𝗮 𝗦𝗼𝗼𝗺𝗮𝗮𝗹𝗶𝘆𝗮 𝘄𝗮𝘅𝗮 𝗮𝘆 𝗸𝗮 𝗺𝗮𝗱𝗵𝗮𝗻 𝘁𝗮𝗵𝗮𝘆 𝗦𝗵𝗮𝗿𝗰𝗶𝘆𝗮𝗱𝗱𝗮 𝗶𝘆𝗼 𝗔𝘄𝗼𝗼𝗱𝗱𝗮 𝗮𝘆 𝗸𝘂 𝗺𝗮𝗮𝗺𝘂𝘀𝗵𝗼 𝗺𝗲𝗲𝗹 𝗸𝗮 𝗯𝗮𝘅𝘀𝗮𝗻 𝗠𝘂𝗾𝗱𝗶𝘀𝗵𝗼, 𝘄𝗮𝘅𝗮𝗻𝗮 𝗮𝘆 𝗻𝗼𝗾𝗼𝘁𝗮𝘆 𝘅𝘂𝗱𝗱𝘂𝗻𝘁𝗮 𝘅𝗮𝘀𝗶𝗹𝗹𝗼𝗼𝗻𝗶-𝗱𝗮𝗿𝗿𝗮𝗱𝗮 𝗲𝗲 𝗚𝗼𝗯𝗼𝗹𝗸𝗮 𝗚𝗲𝗲𝘀𝗸𝗮𝗔𝗳𝗿𝗶𝗸𝗮. 𝗦𝗼𝗼𝗺𝗮𝗮𝗹𝗶𝘆𝗮 𝗺𝗮 𝗮𝗵𝗮 𝗼𝗼 𝗸𝗲𝗹𝗶𝘆𝗮 𝗶𝗻 𝗮𝘆 𝗸𝘂 𝗳𝗮𝘀𝗵𝗶𝗹𝗮𝗻𝘁𝗮𝘆 𝗺𝗮𝗮𝗺𝘂𝗹𝗸𝗮 𝗱𝗮𝗱𝗸𝗲𝗲𝗱𝗮 𝗶𝘆𝗼 𝗱𝗮𝗹𝗸𝗲𝗲𝗱𝗮; 𝗯𝗮𝗹𝘀𝗲 𝗺𝗮𝗱𝗮𝘅𝗯𝗮𝗻𝗻𝗮𝗮𝗻𝗻𝗶𝗱𝗮 𝗮𝘆 𝗵𝗮𝘆𝘀𝗮𝘁𝗼 𝘄𝗮𝘅𝗮 𝗮𝘆 𝘂 𝗮𝗱𝗲𝗲𝗴𝘀𝗮𝘁𝗮𝘆 𝗵𝘂𝗯 𝘀𝗶𝘆𝗮𝗮𝘀𝗮𝗱𝗲𝗲𝗱 𝗼𝗼 𝗮𝘆 𝗸𝘂 𝗰𝘂𝗿𝘆𝗮𝗮𝗺𝗶𝘀𝗼 𝗦𝗼𝗺𝗮𝗹𝗶𝗹𝗮𝗻𝗱.”

Madaxweynaha Jamhuuriyadda Somaliland waxa uu si cad u bayaamiyey amniga iyo xasilloonida ka jira Somaliland iyo sida ay Dawladda Maraykanku isugu hallayn karto Somaliland, waxana uu yidhi: 

“𝗠𝘂𝗱𝗱𝗼 𝟯𝟱 𝘀𝗮𝗻𝗼 𝗮𝗵, 𝗦𝗼𝗺𝗮𝗹𝗶𝗹𝗮𝗻𝗱 𝗸𝗮𝗺𝗮 𝗱𝗵𝗶𝗰𝗶𝗻 𝘄𝗮𝘅𝘆𝗲𝗲𝗹𝗹𝗼 𝗶𝘆𝗼 𝘄𝗲𝗲𝗿𝗮𝗿 𝗹𝗼𝗼 𝗴𝗲𝘆𝘀𝘁𝗮𝘆 𝗮𝘀𝗸𝗮𝗿𝗶 𝗠𝗮𝗿𝗮𝘆𝗸𝗮𝗻 𝗮𝗵; 𝗱𝗵𝘂𝗹𝗸𝗮𝘆𝗮𝗴𝗮 𝗶𝘆𝗼 𝗯𝗶𝘆𝗮𝗵𝗮𝘆𝗮𝗴𝗮𝗻𝗮 𝗹𝗼𝗼𝗴𝗮𝗺𝗮 𝗵𝗮𝗻𝗷𝗮𝗯𝗶𝗻 𝗠𝗮𝗿𝗸𝗮𝗯 𝗮𝗺𝗮 𝗗𝗶𝘆𝗮𝗮𝗿𝗮𝗱 𝗠𝗮𝗿𝗮𝘆𝗸𝗮𝗻 𝗹𝗲𝗲𝘆𝗮𝗵𝗮𝘆. 𝗦𝗼𝗺𝗮𝗹𝗶𝗹𝗮𝗻𝗱 𝗺𝗮𝗿𝗻𝗮𝗯𝗮 𝗺𝗮𝘆 𝗻𝗼𝗾𝗼𝗻 𝗵𝗼𝘆 𝗮𝘆 𝗴𝗮𝗯𝗯𝗮𝗮𝗱 𝗸𝗮 𝗱𝗵𝗶𝗴𝘁𝗮𝗮𝗻 𝗸𝗼𝗼𝘅𝗼 𝗸𝗮 𝘀𝗼𝗼 𝗵𝗼𝗿𝗷𝗲𝗲𝗱𝗮 𝗠𝗮𝗿𝗮𝘆𝗸𝗮𝗻𝗸𝗮.”

Madaxweynaha Somaliland waxa uu khudbaddiisa ku dul istaagay goobta muhiimka ah ee ay ku taallo Somaliland oo ah marin-biyoodyada iyo hilinnada tamarta ugu istiraatiijisan dunida, taasi oo Maraykanka u suurto gelinaysa in uu mandaqaddan ku yeelan karo saaxiib lagu kalsoonaan karo, isla markaana siinaya awood uu ku ilaashan karo danihiisa buqcaddan muhiimka ah, isaga oo aan ku tiirsanaan hal dhinac oo keliya. 

Waxa uu hoosta ka xarriiqay in Somaliland ay Maraykanka u soo bandhigayso ikhtiyaar iyo saaxiib la isku hallayn karo, kaasi oo aanu haatan ku haysan xeebtan. 

Dhinaca kale, Madaxweynaha Jamhuuriyadda Somaliland waxa uu si gaar ah u xusay in Aqoonsiga Israa’iil uu ka tarjumayo isbeddel cusub oo ku wajahan Geeska Afrika, iyada oo ay Dawladuhu haatan ka gudbayaan hab-dhaqankii diblomaasiyadeed ee duugoobay, iyaga oo qiimayntooda ku salaynaya danaha amni ee la wadaago. 

Madaxweynuhu waxa uu hoosta ka xarriiqay in Somaliland iyo Israa’iil ay yihiin laba dal oo dimuqraaddi ah oo ku kala yaalla labada darif ee Badda Cas, kana wada shaqaynaya xasilloonida, barwaaqada iyo amniga Gobolka Geeska Afrika iyo Bariga Dhexe.

Khudbadda Madaxweynaha Jamhuuriyadda Somaliland ee Machadka Caalamiga ah ee Hudson Institute, waxa ay xoojinaysaa dedaallada diblomaasiyadeed ee Jamhuuriyadda Somaliland iyo himiladeeda ku aaddan in Bulshada Caalamku ay si dhab ah u fahanto sooyaalkeeda taariikheed, rabitaanka shacabkeeda, nidaamkeeda dimuqraadiga ah iyo muhiimadda juqraafiyeed iyo ta istiraatiijiyadeed ee ay Somaliland u leedahay Caalamka. 

Khudbadda Madaxweynaha Jamhuuriyadda Somaliland waxa ay ahayd farriin cad oo ku socota Washington iyo saaxiibbada Somaliland: Somaliland waxa ay diyaar u tahay iskaashi istiraatiiji ah oo ku dhisan dano wadaag, is-ixtiraam, nabad, amni iyo horumar waara.