Latest News

Shir Saddex Geesood Ah Oo Asmara Uga Furmay Madaxda Dalalka Somalia, Ethiopia Iyo Eritrea

Asmara, (Haatuf) – Magaalada Asmara ee xarunta dalka
Eritrea ayaa waxa ka furmay shir saddex geesood ah oo ay wadayeelanayaan dalalka
Soomaaliya, Itoobiya iyo Eritrea kadib gallinkii hore ee maanta uu halkaa gaadhay
madaxweynaha Soomaaliya Maxamed Cabdullaahi Farmaajo.

Raysal wasaaraha Itoobiya Abiy Ahmed iyo madaxweynaha
Eritrea Isaias Afwerk ayaa iyaguna qeyb ka ah kulankan oo lagaga arinsanayo
guud ahaan xaalada iyo dhammeystirka hannaanka iskaashiga dalalka gobolka iyo
sidii loo xaqiijin lahaa horumarka iyo xasilloonida dowladaha dan-wadaagta ah
ee Geeska Afrika.

Madaxda ayaa sidoo kale isla qiimeyn doona midho-dhalka  tallaabooyinka la qaaday si loo xaqiijiyo isu
furfurnaanta dhanka  diblumaasiyadda iyo
isu-socodka bulshada Gobolka, mideynta qorsheyaasha  lagu wiiqayo argagixisada iyo xal u helista
caqabadaha ku xeeran  Iskaashiga dalalka
Gobolka.

Wafdiga Jamhuuriyadda Federaalka Soomaaliya ee ka
qayb-gelaya wadahadalladan ayaa la wadaagaya dhiggooda dalalka Ereteriya iyo
Itoobiya sida shacabka iyo Dowladda Soomaaliyeed ay uga go’an tahay adkeynta
dowladnimadooda iyo horumarka ay ku tallaabsadeen muddadii la soo dhaafay,
taasi oo xoojinaysa in ay door muhiim ah ka qaataan geeddi-socodka horumarineed
ee la hiigsanayo.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial