Latest News

Al-Shabab Oo Weerartay Saldhig Milatari Oo Ay Ku Sugnaayeen Ciidamo Kenyan Iyo Maraykan Ahi

Lamu, (Haatuf) – Ururka Al-shabaab ayaa weeraray saldhig
milatari oo ku yaala Lamu oo ka tirsan Kenya, saldhigan milatari ayaa waxa
isticmaalayey xubno milatari Kenyan iyo Maraykan isugu jira.

Ciidamada Difaaca Kenya (KDF) ayaa sheegay in afar
dagaalyahan oo ka tirsan Al Shabaab ay dhinteen ka dib markii waabarigii saakay
ay weerareen saldhiga ciidamada badda ee Manda-Magogoni ee kuyaala Gobolka
Lamu.

Milatariga Kenya ayaa sheegay inaysan jirin wax khasaare
ah oo soo gaadhay ciidamada Kenya iyo kuwa Maraykanka ee ku sugnaa saldhiga la
wareeray. Waxaanay intaasi ku dareen Al-shabaab in 5-kii subaxnimo ee saaaka ay
weerar ku qaadeen Manda Air Strip, oo ah saldhigga ciidamada badda Kenya iyo
ciidamada Maraykanka.

Dagaalyahanada Shabaab ayaa isku dayayay in ay galaan
xerada militari oo ay ku sugnaayeen diyaaradaha qumaatiga u kaca.

Diyaaradaha ciidanka difaaca Kenya ayaa weerarkaan uga
jawaabay bambooyin. War qoraal ah oo ay soo saareen waxay ku sheegeen in
weerarkaasi ay fashiliyeen ciidamadooda.

Kooxda Shabaab ayaa la sheegay inay ka yimaadeen
deegaanka Hindi. Waxaa la sheegay inay gooyeen isgaarsiinta ka hor inta aysan
bilaabin weerarkooda.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial