Latest News

Gobolka Tigrayga Itoobiya Oo U Arka Dib U Dhaca Doorashada Mid Caqabad Ku Ah Midnimada Dalkaasi

Addis Ababa, May 6, 2020 (Haatuf) – Dalka Ethiopia oo ku
yaala Geeska Afrika ayaa bishii March dib u dhigay doorashada baarlamaanka iyo deegaamada
gobolada ee loo qorsheeyay inay qabsoonto August kadib markii cudurka coronavirus
uu dilaacay.

Dalka Ethiopia Taariikh cusub looma qaban doorashadu inay
dhacdo, baarlamaankuna wuxuu ku guuldaraystay inuu hal go’aan ka gaadho kulankii
Salaasada.
Hase yeeshee xisbiga TPLF ee Tigreyga, oo ah xisbiga xukuma gobolkaasi, ayaa si
weyn u diiday isbahaysiga qaran ee xisbiga (EPRDF) sanadkii lasoo dhaafay
markii seddexda xisbi ee kale ay ku biireen sameynta Xisbiga cusub ee
Barwaaqada.
TPLF ayaa sheegtay goor dambe oo isniinta ah inay sii socon doonto
doorashooyinka ka dhacaya Tigreyga inkasta oo dalka oo dhan dib loo dhigay
codeynta doorashada.
“Waxaan diyaarinaynaa sidii aanu u qaban lahayn doorasho gobol si aan uga
ilaalinno xuquuqda dadkayaga,” ayaa lagu yidhi bayaan uu soo saaray TPLF. Balse
muu xusin taariikhda doorashada.
Gudida doorashooyinka guud ee Itoobiya ayaa sheegay in wax codsi ah aanay soo
gudbin TPLF, mana jiro urur aan ka aheyn NEBE oo leh awood ay ku qabtaan
doorashada nooc kastoo ay tahay.
Xisbiga EPRDF ee xukunka la wareegay 1991 waxaa xukumayay Tigreega laga tirada
badan yahay, waxayna daboolka ka qaadday inay xiisad ka dhex abuuri karto
sanado badan iyadoo ay meesha ka saarayso dhamaan wixii diidmo ah, oo ay ka mid
yihiin muujinta qaran gaar ah oo qowmiyadeed.
Markii uu Raysall wasaare Abiy Ahmed la wareegey talada dalka Ethiopia oo ah
dalka labaad ee ugu dadka badan qaarada Afrika sanadka 2018, wuxuu soo saaray
isbadallo isdaba joog ah oo u saamaxaya xoriyado badan wixii hore u ahaan jiray
mid kamid ah dowladaha ugu cadaadiska badan Qaarada Afrika.

Balse dib-u-habayntu waxay suurtogal ka dhigtay
cabashooyinka muddada dheer socday ee lag soo horjeeday ee tobanaanka sanadood
ee xukunka adag ee dawladda ah iyo in dib loo soo nooleeyo, waxayna
dhiirrigelisay awood-kooxeedyadii gobolka sida TPLF oo doonaya inay awood badan
ku helaan kooxaha qowmiyadooda.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial