Latest News

Guddoomiye Mursal Oo Ka Hor-Yimid War-Murtiyeedka Maamul Goboleedyada Somalia

Muqdisho, July 15, 2020 (Haatuf) – Guddoomiyaha Golaha
shacabka ee Baarlamanka Jamhuuriyadda Soomaaliya Maxamed Mursal Shiikh
Cabdiraxmaan ayaa waxa uu kasoo horjeestay qaar kamid ah qodobadii kasoo baxay
shirkii madaxda maamul goboleedyada dalka ay ku yeesheen magaalada
Dhuusamareeb.

Isagoo ka hor hadlayay fadhigii maanta ee Golaha Shacabka
ayaa waxa uu Guddoomiye Mursal qeexay in aysan marnaba suura-gal aheyn in
madaxda maamullada ay ka hadlaan habka ay noqoneyso doorashada.

“Waxaan doorasho qof iyo cod aheyn lagama qabanayao
Soomaaliya, suura-gal maaha in la aado doorasho dad badan, iyadoo Baarlamanka
uu meel mariyay sharuucdii doorashada” ayuu Guddoomiye Mursal ka hor sheegay
xildhibaannada.

Dhinaca kale waxa uu sheegay in xubno kamid ah
Baarlamanka oo Dhuusamareeb tegay aysan matalin aqalka hoose ee Golaha sharci
dejinta.

Hadalka kasoo baxay Guddoomiya Baarlamanka ee Soomaaliya
ayaa waxa uu immaanaya xilli la filayo in madaxweyne Farmaajo uu berri u safro
magaalada Dhuusamareeb si uu ula kulmo madaxda maamul Goboleedyada, iyagoo ka
wada hadlayo xaaladda kala guurka ah ee Soomaaliya.

Connect with us on Facebook

Leave a comment

Your email address will not be published.


*


Social media & sharing icons powered by UltimatelySocial